'' രാവിൻ ശൂന്യതയിൽ ''

    '' രാവിൻ ശൂന്യതയിൽ ''

നിദ്രാവിഹീനമാമീ നിശയിൽ
മഴതൻ ശീല്ക്കാരമെൻ കർണ്ണ -

പുടങ്ങളെ തഴുകിയെൻ ശയ്യയിൽ
ധ്യാനിച്ചു ഞാനീ രാവിൻ ശൂന്യതയെ
ഓർമ്മകൾ തൻ പേമാരി വർഷത്തിൽ
വിചിത്രമാം മനംവ്യാകുലമായീ -

ജീവിതത്താളിൻ കണക്കുകൾ മറിക്കുമ്പോൾ
കൂട്ടിയും, കിഴിച്ചും,ഗുണിച്ചും,ഹരിച്ചും ശിഷ്ട ലഭ്യം നഷ്ട സുഗന്ധത്തിൻ വേദനപൂക്കൾ
കണ്ണീരിൻ ഉപ്പെൻ കൂടപ്പിറപ്പായ്
അറിയുന്നുഞാൻ ശാശ്വത
മായെന്നും ദു:ഖം മാത്രം
വേദനതൻ പാഴ്ക്കടങ്ങളെ ....
നിന്നെയെൻ തൂലിക
ഈ മഴതൻ ആർദ്രസംഗീതമായ്
ഈ നിശതൻ ശ്യാമസൌന്ദര്യമായ്
നിശാഗന്ധിതൻ സുഗന്ധമായ്‌
അക്ഷരപൂക്കളായെൻ
പുസ്തകത്താളിൽ വിരിയിക്കട്ടെ    
                                              സുമഎഴുത്തച്ഛൻ